Ferguson: Það má ekki hlusta á Mourinho

Sir Alex Ferguson, stjóri Manchester United, skaut léttum skotum að kollega sínum hjá Chelsea, Jose Mourinho, eftir sigurinn gegn Aston Villa í fyrradag og sagði stöðuna í deildinni sanna að ekki mætti taka mark á ummælum Portúgalans. Mourinho hafði áður sagt að Chelsea yrði í toppsæti ensku úrvalsdeildarinnar þegar jólin gengju í garð.

“Ef mér skjátlast ekki erum það við sem erum á toppnum. Það sýnir bara að það má ekki hlusta alltof mikið á speki Jose Mourinho, sem sagði hið andstæða fram fyrir nokkrum vikum,” sagði Ferguson á blaðamannafundi eftir leikinn og hló við.