Niðurstöður úr spillingarmálinu birtar í dag

Lord Stevens, maðurinn sem rannsakaði meinta spillingu í ensku knattspyrnunni í kjölfar sjónvarpsþáttar sem sýndur var í breska sjónvarpinu í sumar, mun í dag afhjúpa skýrslu um ítarlega rannsókn sína í dag. Þar kemur í ljós hvort stjórar í ensku úrvalsdeildinni hafa gerst sekir um að taka við mótugreiðslum frá umboðsmönnum leikmanna og ljóst að mikið fjaðrafok verður í deildinni ef einhverjir verða fundnir sekir.

Breskir fjölmiðlar segja þó ólíklegt að nöfn manna sem viðriðnir eru málið verði birt á þessu stigi málsins, en það kemur væntanlega í ljós í dag hvort málið er eins alvarlegt og haldið var fram í sjónvarpsþættinum Panorama sem sýndur var í sumar.