Gat ekki neitað United

Sænski framherjinn Henrik Larsson segir að þegar sér hafi boðist tilboð um að ganga í raðir Manchester Unted sem lánsmaður hafi hann einfaldlega ekki getað sagt nei við svona stórt félag.

"Þegar ég fékk tilboð frá svona stóru félagi, gat ég bara ekki sagt nei. Ég fékk tilboð úr ensku úrvalsdeildinni þegar ég spilaði með Celtic á sínum tíma, en þá var fjölskyldan mín búsett í Glasgow svo það var ekki inni í myndinni," sagði Svíinn sem verður í láni hjá United frá næstu mánaðarmótum og fram í mars.