Hjálmar Árnason fer gegn Guðna Ágústssyni

Hjálmar Árnason þingflokksformaður Framsóknarflokksins ætlar að bjóða sig fram gegn Guðna Ágústssyni, varaformanni flokksins, í efsta sætið á lista flokksins í Suðurkjördæmi. Þetta kom fram á vef Víkurfrétta nú laust fyrir hádegi.

Hjálmar Árnason, formaður þingflokks Framsóknarflokksins fékk í morgun afhenta undirskriftalista þar sem hann er hvattur til að sækjast eftir efsta sæti listans. Samkvæmt skoðanakönnunum að undanförnu eru framsóknarmenn aðeins með einn mann inni í Suðurkjördæmi og er greint frá því á vef Víkurfrétta að Suðurnesjamenn líti svo á að þeirra maður eigi að berjast um það sæti í komandi prófkjöri flokksins eftir áramót.