Tveir létust

Fimm ára stúlka og maður um þrítugt létust í árekstri á Sandskeiði síðdegis í gær. Þrír aðrir voru í bílunum tveimur og voru þeir fluttir á slysadeild. Í sama bíl og stúlkan var átta ára drengur sem liggur alvarlega slasaður á gjörgæsludeild og faðir hans sem liggur á annari deild Landsspítalans. Drengurinn er ekki talinn í lífshættu að sögn vakthafandi læknis. Ökumaður hins bílsins, sem er rúmlega tvítugur, slasaðist en er ekki í lífshættu. Tilkynnt var um slysið til lögreglu laust eftir klukkan hálfþrjú í gær. Tveir fólksbílar rákust saman og er talið að annar þeirra hafi verið að reyna framúrakstur. Vegna slyssins var Suðurlandsvegur lokaður í um tvær klukkustundir og umferð á meðan beint um Þingvallaveg.