Lést eftir hjartastopp í lögreglubíl um síðustu helgi

Maðurinn sem var þrjátíu og eins árs var gestur á Radisson SAS Hótel Sögu á laugardagskvöld. Samkvæmt upplýsingum frá lögreglunni var maðurinn með ólæti, truflaði hótelgesti og kastaði til húsgögnum.Lögreglan var því kölluð á vettvang og lenti í átökum við manninn.

Hann var í framhaldinu fluttur í handjárnum á lögreglustöðina á Hverfisgötu en rétt áður en þangað var komið stoppaði í honum hjartað. Lífgunartilraunir hófust fyrir utan bílinn við lögreglustöðina og tókst sjúkraliði að lífga hann við.

Hann var fluttur á gjörgælsludeild, tvísýnt um ástand hans alla vikunar og lést hann þar síðdegis í gær. Málið var sent til ríkissaksóknara í gær. Maðurinn lætur eftir sig konu og tvö börn.