Þefvísir lögreglumenn

Tvö fíkniefnamál komu til kasta lögreglunnar í Reykjavík í nótt, en í hvorugu þeirra var um mikið af efnum að ræða. Fyrst fannst fíkniefni í bíl, sem stöðvaður var við eftirlit. Ökumaður, sem er þekktur brotamaður, var einnig réttindalaus.

Í hinu tilvikinu var kvartað undan hávaða úr íbúð og þegar lögreglumenn komu á vettvang, fundu þeir lykt af marijúana, þannig að leit var gerð í íbúðinni. Þar fannst marijúana. Búið er að yfirheyra báða mennina og sleppa þeim, en sektir bíða þeirra.