Viðræður við Norðmenn um öryggissamstarf ákveðnar

Geir H. Haarde forsætisráðherra og Jens Stoltenberg, forsætisráðherra Noregs, ákváðu í dag að hefja þegar í næsta mánuði formlegar viðræður milli Íslands og Noregs um eftirlit í Norðurhöfum og framtíðarsamstarf landanna á sviði öryggis- og varnarmála. Þetta kemur fram í tilkynningu frá forsætisráðuneytinu. Forsætisráðherrarnir áttu óformlegan fund í dag í tengslum við leiðtogafund Norðlægu víddarinnar í Helsinki. Þeir ákváðu að fela utanríkisráðuneytum landanna undirbúning málsins.