Yfirdýralæknir: Ekki sleppa Sigurerni

Erninum Sigurerni verður ekki sleppt í dag því í morgun þegar menn voru í þann mund að fanga hann í Húsdýragarðinum komu fyrirmæli frá yfirdýralækni um að sleppa fuglinum ekki. Að hans sögn er beðið eftir niðurstöðum sýna sem tekin voru fyrr í vikunni. Ekki er ljóst hvort eða þá hvenær erninum verði sleppt. Öllum spurningum um málið hefur verið beint til Guðna Ágústssonar landbúnaðarráðherra, yfirdýralæknisins Halldórs Runólfssonar eða forstjóra Landbúnaðarstofnunar, Jóns Gíslasonar, en ekki hefur náðst í þá.