Fótbolti

Inter með þriggja stiga forystu

Hernan Crespo fagnar marki sínu gegn Reggina í dag.
Hernan Crespo fagnar marki sínu gegn Reggina í dag. Getty Images

Inter Milan er með þriggja stiga forystu á toppi ítölsku A-deildarinnar í fótbolta eftir leiki dagsins. Hernan Crespo tryggði liðinu 1-0 sigur á Reggina en Roma burstaði Catania, 7-0.

Palmermo er í 2. sæti deildarinnar, þremur stigum á eftir Inter, eftir óvænt tap gegn Cagliari í gær. Inter hefur 30 stig en Palermo 27. Roma kemur í 3. sæti með 26 stig en liðið gjörsigraði Catania á heimavelli sínum í dag.

Simone Perotta og Christian Panucci skoruðu tvisvar sinnum hvor fyrir Roma en hin mörkin skoruðu Vincenzo Montella, Alexandro Mancini og Francesco Totti.

Erlendar Fótbolti Ítalski boltinn Íþróttir

Mest lesið


Fleiri fréttir

Sjá meira


×

Mest lesið