Við getum unnið allt

Cristiano Ronaldo segir að Man. Utd. hafi burði til að standa uppi sem sigurvegarar ensku úrvalsdeildarinnar og Meistaradeildar Evrópu þegar núverandi tímabili lýkur um mitt næsta ári.

Man. Utd. er á toppi ensku úrvalsdeildarinnar, þremur stigum á undan Chelsea, og segir Ronaldo að leikmenn liðsins hafi mikla trú á því að núverandi tímabil verði þeim hliðhollt.

"Trúin fleytir manni langt og við trúum því allir að við getum unnið stóru keppnirnar í ár. Það er alls ekki óraunhæft," segir Ronaldo.

"Það þarf ekki annað en að sjá hvernig við höfum verið að spila á tímabilinu. Andinn og leikgleðin er sú sama og hefur verið hjá meistaraliðum Man. Utd. síðustu ár. Á síðasta ári spiluðum við upp á annað sæti deildarinnar. Nú erum við sannfærðir um að við getum orðið meistarar. Hugarfarið er öðruvísi í ár," segir Ronaldo.