Luque vill fara til Barcelona

Spænski framherjinn Albert Luque hjá Newcastle segist ólmur vilja fara til Barcelona, en hann er ósáttur við að fá ekkert að spila með enska liðinu sem keypti hann fyrir 9,5 milljónir punda fyrir 15 mánuðum.

"Ég er ekki að spila eins mikið og ég vonaðist til og þó ég hafi heyrt af áhuga liða í Frakklandi og Grikklandi - vil ég helst snúa aftur til Spánar ef ég á að fara frá Englandi á annað borð," sagði Luque, sem er frá Katalóníu og segist því dreyma um að spila með Barcelona, en heyrst hefur að Frank Rijkaard og félagar í Barca séu að íhuga að reyna að fá leikmanninn í sínar raðir vegna meiðsla framherja liðsins.