Ekki á leið til Aston Villa

Sænski markaskorarinn Henrik Larsson hefur vísað á bug orðrómi sem verið hefur á kreiki á Englandi um að hann væri á leið til Aston Villa þar sem fyrrum stjóri hans hjá Celtic er nú við stjórnvölinn.

Larsson fékk á sínum tíma ótal tilboð frá gamla félaginu sínu Barcelona um að halda áfram, en hann ákvað að fara til uppeldisfélags síns Helsingborg í Svíþjóð og skorar þar grimmt þessa dagana.

"Ég hef þegar sagt allt sem ég vil segja um þetta mál," sagði Larsson þegar hann var spurður hvort hann ætlaði að fara til Villa og spila fyrir Martin O´Neill. "Martin er frábær þjálfari og ég á góðar minningar frá því að spila undir hans stjórn - en ég fer ekki frá Helsingborg," sagði markaskorarinn.