West Ham yfir í hálfleik

Nú er kominn hálfleikur í öllum leikjum kvöldsins í enska deildarbikarnum. West Ham hefur yfir 1-0 gegn Chesterfield í sjónvarpsleiknum á Sýn þar sem Marlon Harewood skoraði mark gestanna í upphafi leiks.

Leeds er að tapa 2-1 heima fyrir Southend, Aston Villa er 2-1 yfir gegn Leicester, Notts County er að vinna Southampton 2-0, Watford er að vinna Hull 1-0, jafnt er hjá Sheffield United og Birmingham 1-1, Arsenal er að vinna West Brom 1-0 og staðan í leik Everton og Luton er orðin 2-0 þegar skammt er til hálfleiks.

Þetta er staðan í helstu leikjum kvöldsins, en nánar verður greint frá úrslitum kvöldsins og markaskorurum að leikjunum loknum í kvöld.