Samveldið samþykkir niðurstöðu kosninga í Gambíu

Kosningaeftirlitsmenn breska samveldisins hafa samþykkt niðurstöður forsetakosninga í Gambíu sem fram fóru 22. september síðastliðinn. Þetta minnsta ríki meginlands Afríku hefur verið undir stjórn sigurvegara kosninganna, Yahya Jammeh síðan hann tók völdin í uppreisn árið 1994. Andstæðingar hans hafa bent á mikla óreglu í kringum kosningarnar og þá sérstaklega að her- og lögreglumenn hafi ógnað fólki og fréttamönnum fyrir kosningar.

Kosningaeftirlitsmennirnir samþykkja þó niðurstöðurnar eins og áður sagði og vonast eftir því þær eigi eftir að auka veg lýðræðis í landinu. Jammeh hefur þó aðrar hugmyndir um lýðræði "Í lýðræði ræður meirihlutinn þannig að minnihlutinn á vitanlega að hætta allri mótstöðu við stjórnvöld". Hann hnykkti síðan út með því að lýsa því yfir að þar sem kosningum væri lokið gætu þeir lagt stjórnmálin til hliðar.