Beckham hefði ekki skipt máli gegn Króötum

Max Clifford, ráðgjafi enska landsliðsþjálfarans Steve McClaren, segir að þjálfarinn hafi fulla auðmýkt í að kalla David Beckham inn í enska landsliðshópinn á ný ef hann telji það liðinu fyrir bestu, en blæs á að betur hefði farið Beckham hefði notið við í tveimur síðustu leikjum liðsins.

"McClaren er ekki of stoltur til að kippa David aftur inn í liðið ef honum þætti það enska landsliðinu fyrir bestu. Ég er samt alveg viss um að þó Beckham hefði verið með okkur í Króatíu - hefði það ekki skipt nokkru einasta máli um niðurstöðuna - þó vel megi vera að fjölmiðlar fullyrði það," sagði Clifford.