Notaði barnið sem vopn

Kona í Pennsylvaníu, í Bandaríkjunum hefur verið handtekin fyrir að nota nota fjögurra vikna gamalt barn sitt sem vopn, í deilu við kærasta sinn. Hin tuttugu og sjö ára gamla Chytoría Graham, sveiflaði barninu í kringum sig og barði kærastann með því.

Barnið slasaðist lífshættulega og var flutt á sjúkrahús. Fjögur önnur börn sem voru á heimilinu voru fjarlægð og komið fyrir í opinberri gæslu. Ekki hefur verið upplýst hvort barnið var drengur eða stúlka, né heldur hvort kærasti Chytoríu er faðir þess.