Farþegaþotu saknað á Amason-svæðinu

Leit er hafin að Boeing 737 farþegaflugvél með að minnsta kosti 150 farþega innanborðs sem hvarf af ratsjám yfir regnskógum Amason í Brasilíu í gær. Vélin, sem var á vegum brasilíska flugfélagsins, Gol átti að lenda í borginni Brasilíu um sexleytið að staðartíma í gær en samband við hana rofnaði um hálffimm. Flugher BrasiLíu hóf strax leit en gat ekki leitað í nótt sökum myrkurs en leit hélt áfram í dag. Talið er að vélin hafi rekist á minni flugvél í lofti. Þeirri vél var lent á flugvelli skammt frá þeim stað þar sem farþegavélin hvarf út af ratsjám.