Handtekin tvisvar á rúmlega klukkutíma

Kona á þrítugsaldri var handtekin tvisvar í dag á rúmlega klukkutíma. Fyrst eftir að hún reyndi að smygla tíu grömmum af hassi inn á Litla hraun um miðjan dag í dag. Konan kom sem gestur og hafði hassið meðferðis innan klæða. Hún var færð til yfirheyrslu á Selfoss.

Fljótlega eftir að henni var sleppt úr haldi sáu lögreglumenn í eftirlitsferð konuna akandi á bíl sínum. Þar sem þeir höfðu suttu áður haft afskipti af henni vissu þeir að hún var undir áhrifum lyfja og var hún því handtekin aftur. Við leit í bílnum fannst eitt gramm af amfetamíni.