West Ham úr leik

Ítalska liðið Palermo var ekki í teljandi vandræðum með að slá enska liðið West Ham úr leik í forkeppni Evrópukeppni félagsliða í kvöld og vann síðari leik liðanna 3-0 á heimavelli sínum á Sikiley eftir að hafa sigrað 1-0 í fyrri leiknum á Englandi á dögunum.

Það voru reyndar gestirnir sem höfðu betur framan af leik og fékk West Ham þrjú góð marktækifæri áður en Fabio Simplicio skoraði fyrra mark sitt í leiknum fyrir ítalska liðið og gerði vonir Lundúnaliðsins að engu.