Vill frekar halda áfram en vera heima hjá konunni

Sir Alex Ferguson segir í samtali við News of the World um helgina að hann ætli sér að halda áfram að stýra Manchester United í að minnsta kosti tvö ár í viðbót, því ef hann hætti störfum - bíði hans ekkert annað en að hanga heima með konu sinni.

"Ég að hætta? Þið hljótið að vera að grínast. Ég ætla að vera að minnsta kosti tvö tímabil í viðbót - ég ætla að klára þetta tímabil og það næsta, enda hef ég ekkert að gera nema að hanga heima hjá konunni ef ég hætti að þjálfa. Ég hefði aldrei átt að tala um það að hætta á sínum tíma árið 2002, en ég hef alltaf sagt að svo framarlega sem maður hefur heilsu til - á maður að halda áfram og ég held að ég eigi góð tvö ár eftir," sagði Skotinn.