Býst við að funda með Írönum á næstu dögum

Javier Solana, utanríkismálastjóri Evrópusambandsins, býst við að funda með aðalsamningamanni Írana í kjarnorkumálum, Ari Larijani, á næstu dögum um það að Íranar láti af auðgun úrans.

Þetta sagði Solana eftir fund með utanríkisráðherrum Evrópusambandsríkjanna í dag vegna málsins. Solana segir Írana þurfa aðeins lengri tíma til að ná samkomulagi innan lands um að hefja slíkar viðræður en bæði Evrópusambandið og Bandaríkin hafa lagt á það mikla áherslu að Íranar hætti auðguninni þar sem þeir telja að Íranar séu með því að reyna að koma sér upp kjarnorkuvopnum. Því hafa Íranar staðfastlega neitað og segja kjarnorku unna í landinu í friðsamlegum tilgangi. Þá hafa þeir hafnað því að ræða við Vesturveldin um að hætta auðgun úrans gegn efnahagsaðstoð þar til nú.