Crouch er ekki öruggur

Terry Venables, aðstoðarmaður Steve McLaren hjá enska landsliðinu í fótbolta, segir að Peter Crouch, sóknarmaður Liverpool, sé ekki öruggur með byrjunarliðssæti í enska liðinu þrátt fyrir að hafa skorað 11 mörk í 14 landsleikjum.

Crouch hefur farið hamförum í fjarveru Wayne Rooney sem hefur verið í banni í síðustu leikjum. Nú þegar Rooney er væntanlegur til baka mun hann án nokkurs vafa fara beint inn í byrjunarliðið í næsta leik og stendur valið á milli þeirra Crouch og Jermain Defoe um að leika við hlið Rooney.

"Fólk er alltaf að efast um getu Crouch og sagt að hann skori aðeins á móti veikari þjóðum. Leikurinn gegn Makedóníu var hins vegar mjög erfiður og þá reyndist Crouch okkur dýrmætur. Ákvörðunin liggur hjá Steve og ég tel að hún muni ráðast af því hvor leikmaðurinn hann telur henta betur við hlið Rooney," sagið Venables.