Helguera neitaði okkur á síðustu stundu

"Stóri-Sam" Allardyce, stjóri Bolton, hefur viðurkennt að félagið hafi verið hársbreidd frá því að fá spænska varnarmanninn Ivan Helguera til liðs við sig frá Real Madrid á síðasta degi félagaskiptagluggans um mánaðamótin.

"Við reyndum allt sem við gátum til að fá hann á síðustu stundu og vorum búnir að semja um kaup og kjör. Leikmanninum snerist hinsvegar hugur á elleftu stundu og því varð ekkert úr þessu. Við höfum svosem lent í svona löguðu áður, en það er alltaf erfitt. Við verðum bara að taka þessu eins og hverju öðru hundsbiti og halda ótrauðir áfram," sagði Allardyce, sem gerði ekki góð kaup á leikmannamarkaðnum í sumar.