Ég vil heldur systur þína

Ítalski landsliðsmaðurinn Marco Materazzi hefur nú rofið þögnina og gefið upp hvað hann sagði við Zinedine Zidane í úrslitaleik HM í sumar, með þeim afleiðingum að Zidane skallaði hann í bringuna og lét reka sig af velli í sínum síðasta leik.

"Ég reif í skyrtuna hans og hann sagði mér að ef ég vildi hana virkilega, gæti hann gefið mér hana eftir leikinn. Ég svaraði því til að ég vildi heldur systur hans," sagði Materazzi og hefur eflaust ekki grunað hvaða viðbrögð hann fengi frá þeim franska. "Það er kannski ekki fallegt að segja svona, en fullt af leikmönnum segja mun verri hluti á knattspyrnuvellinum. Ég vissi ekki einu sinni að hann ætti systur fyrr en eftir leikinn," sagði Materazzi.