Varð að svara kallinu

Framherjinn Jermaine Defoe hjá Tottenham segir að mörkin sín tvö í landsleiknum gegn Andorra í gær hafi verið mjög kærkomin, enda hafi hann verið staðráðinn í að svara kalli Steve McClaren eftir að hafa horft á HM í sjónvarpinu í sumar.

Defoe hefur ekki átt fast sæti í liði Tottenham á þessari leiktíð frekar en í fyrra og fékk ekki sæti í HM hóp Englendinga í sumar. Hann nýtti sér þó fjarveru þeirra Wayne Rooney og Michael Owen í gær og skoraði tvö mörk í sigrinum á Andorra líkt og félagi hans Peter Crouch.

"Mann langar að sýna að þjálfarinn hafi gert mistök. Ég horfði á HM í sjónvarpinu og það var ömurlegt að geta ekki verið þarna með strákunum. Ég hef lent í mótlæti áður á ferlinum og það gerir mann oft sterkari, en í þessu tilviki var ég svo heppinn að eiga góða að sem veittu mér stuðning," sagði Defoe.