Thatcher fær sekt og bann hjá City

Forráðamenn enska úrvalsdeildarliðsins Manchester City hafa tilkynnt að varnarmaðurinn Ben Thatcher hafi verið settur í sex leikja bann og verið gert að greiða sem nemur sex vikna launum hjá félaginu fyrir líkamsárás hans á Pedro Mendes, leikmann Portsmouth í leik liðanna á dögunum.

Þessi refsing er algjörlega óháð rannsóknar aganefndar enska knattspyrnusambandsins, en niðurstöðu þar er að vænta í næsta mánuði. Thatcher hefur þegar setið af sér hluta af banni sínu hjá City og mun missa af þremur leikjum til viðbótar.