Castro á batavegi

Varaforseti Kúbu segir að Fídel Castro forseti sé á batavegi. Carlos Lage sagði í viðtali við fréttamenn í Bólivíu að Castro hefði gengist undir flókna skurðaðgerð vegna innvortist blæðinga, en að aðgerðin hefði tekist vel og Castro væri að braggast. Hann hefði talað við Castro og að allt væri í besta lagi. Castro hefur ekkert sést síðan ríkissjónvarpið á Kúbu tilkynnti að hann hefði gengist undir skurðaðgerð og afhent bróður sínum Raoul Castro völdin til bráðabirgða. Raoul er varnarmálaráðherra Kúbu.