Reyndi að koma fölsuðum evrum í umferð

Lögreglan í Reykjavík varar við útlendingi sem virðist reyna að koma fölsuðum evrum í umferð. Þetta er lágvaxinn karlmaður sem talar bjagaða ensku. Hann er dökkur yfirlitum og er líklega með gleraugu. Til hans sást við BSÍ í Reykjavík og í iðnaðarhverfi í Hafnarfirði.

Vitað er um eitt tilfelli þar sem maðurinn bauð evrur sem greiðslu fyrir bifreið en af þeim kaupum varð ekki. Fólk sem tekur við evrum sem greiðslu fyrir viðskipti er hvatt til að athuga vel útlit þeirra seðla.