Nistelrooy fer ekki á útsöluverði

Sir Alex Ferguson segir að Manchester United hafi enn ekki fengið formlegt tilboð í sóknarmanninn Ruud Van Nistelrooy, en bendir á að hann muni ekki fara á neinu útsöluverði þó hann hafi farið fram á að verða seldur frá félaginu.

"Við vitum af áhuga félaga á að fá Nistelrooy, en menn eru að láta sig dreyma ef þeir halda að hann fari ódýrt. Sjáið bara Shevchenko, hann er á svipuðum aldri og Nistelrooy, hefur skorað nánast nákvæmlega jafn mörg mörk í Evrópukeppninni - og hann fór á 30 milljónir punda," sagði Ferguson.