Hættur að dæma landsleiki

Enski dómarin Graham Poll tilkynnti í dag að hann væri hættur að dæma landsleiki í kjölfar þess að hann var sendur heim af HM í gær. Poll gerði afdrifarík mistök þegar hann dæmdi leik Króata og Ástrala sem kostuðu hann frekari þáttöku á mótinu. Hann sagðist vera eyðilagður yfir þessari niðurstöðu í samtali við Sky-sjónvarpsstöðina.

"Það er kominn tími til að hleypa yngri mönnum að. Það er rosalega sárt að sjá draum sinn um að dæma úrslitaleik á HM verða að engu út af óafsakanlegum mistökum. Ég gerði mér ekki grein fyrir því fyrr en eftir leikinn að draumurinn væri úti," sagði Poll, sem var greinilega langt niðri.