Frakkar áfram

Frakkar eru komnir í 16-liða úrslitin á HM eftir að liðið lagði Tógó 2-0 í kvöld með mörkum frá afmælisbarninu Patrick Vieira og Thierry Henry. Á sama tíma tryggðu Svisslendingar sér toppsætið í riðlinum með 2-0 sigri á Suður-Kóreu. Frakkar fá það erfiða verkefni að mæta Spánverjum í 16-liða úrslitunum, en Svisslendingar mæta Úkraínumönnum.

Svisslendingar lögðu Suður-Kóreu 2-0 með mörkum frá Philippe Senderos og Alexander Frei og þessi stig tryggðu liðinu sigur í riðlinum með 7 stig og markatöluna 4-0. Frakkar skriðu inn í 16-liða úrslitin með 5 stig, en Kóreumennirnir sitja eftir með 4 stig. Tógómenn ráku svo lestina með ekkert stig.