Zlatan líklega með gegn Þjóðverjum

Zlatan Ibrahimovic verður í byrjunarliði Svía þegar liðið mætir Þjóðverjum í 16-liða úrslitum HM á morgun. Þetta segir Lars Lagerback, þjálfari Svía, sem undirbýr lið sitt nú fyrir mjög erfiðan leik á Allianz-Arena í Munchen.

Ibrahimovic hefur skorað 18 mörk í 40 landsleikjum fyrir Svía en hefur átt við meiðsli að stríða undanfarna daga. "Það var allt í fína lagi með Zlatan á síðustu æfingu og ef hann verður góður eftir æfinguna í dag, reikna ég með því að hann spili gegn Þjóðverjum," sagði Lagerback.

"Zlatan er stór og sterkur framherji sem er einnig fljótur og duglegur. Hann er einstaklega útsjónarsamur og við þurfum á brellum hans að halda þegar komið er í svona mikilvægan leik. Hann getur skapað mikið fyrir okkur, bæði fyrir sjálfan sig og aðra."

Uppselt verður á leikinn á morgun og reikna má með því að róðurinn verði Svíum þungur, þar sem meirihluti stuðningsmanna verður á bandi Þjóðverja