Rosalega sárt að tapa fyrir Englendingum

Leo Beenhakker sagði tapið fyrir Englendingum í dag hafa verið gríðarlega sárt, en um tíma leit út fyrir að spútniklið hans næði að stela stigi af enska liðinu og setja þar með allt upp í loft í B-riðlinum.

"Við fengum okkar tækifæri, en svona er fótboltinn," sagði Beenhakker, en Englendingar þurftu til að mynda að bjarga skoti á marklínu sinni. "Við vissum að við þyrftum að vera mjög skipulagðir til að sleppa út úr þessum leik. Við ætlum ekki að berja hausnum við stein þó við höfum tapað þessum leik, en vissulega var sárt að tapa þessu. Englendingar eru með frábært lið og ég óska þeim alls hins besta," sagði Þjóðverjinn geðþekki.