Ronaldo fluttur á sjúkrahús

Brasilíski framherjinn Ronaldo var fluttur á sjúkrahús í gærkvöld vegna höfuðverks og svima. Ekkert óeðlilegt kom fram við skoðun lækna á sjúkrahúsinu, sem sendu kappann aftur á hótel Brasilíumanna í nótt.

Sparkspekingar vænta þess, að hann æfi með félögum sínum í dag. Ronaldo, sem var markahæstur á HM fyrir 4 árum, var ekki í essinu sínu í leik Brasilíumanna og Króata í fyrradag og var skipt út af í leiknum.

Ronaldo mun þó væntanlega fá annað tækifæri og hafa leikmenn liðsins, meðal annars Kaka og Gilberto, gefið út stuðningsyfirlýsingu þar sem segir að Ronaldo sé afar mikilvægur fyrir liðið. Án hans verði erfitt að verja heimsmeistaratitilinn.