Mjög ánægður með baráttuna

Jurgen Klinsmann hrósaði leikmönnum sínum fyrir góðan baráttuanda í dag eftir að lið hans lagði Kosta Ríka 4-2 í opnunarleiknum. Hann hrósaði ekki síst markaskorurunum Philip Lahm og Miroslav Klose.

"Þetta var baráttusigur. Leikmennirnir unnu mjög vel og spiluðu hratt, svo það er kannski eðlilegt að eitthvað hafi verið um mistök í leiknum. Lahm og Miro voru frábærir og mér finnst vera mikil orka í liðinu. Það er frábært að fá þrjú stig út úr fyrsta leiknum og okkur tókst það sem við lögðum upp með. Við skemmtum áhorfendum, sluppum þokkalega við gul spjöld og kláruðum leikinn," sagði Klinsmann.