Steinhissa á ákvörðun Celtic

Framherjinn John Hartson segist hafa fengið áfall þegar hann frétti að Celtic hefði samþykkt kauptilboð West Brom í hann. Hartson segist hafa hlakkað mikið til að ljúka ferlinum í Skotlandi og sagðist alls ekki hafa viljað fara frá félaginu.

"Ég var búinn að hlakka til að koma aftur til Celtic og úr því ég er hættur að leika með landsliðinu, ætlaði ég að eyða meiri tíma með fjölskyldunni. Ég ætlaði að vera áfram hjá Celtic og ljúka ferlinum hér, svo ég verð að viðurkenna að þessi tíðindi koma eins og köld vatnsgusa framan í mig," sagði Hartson.