Owen ekki með í kvöld?

Svo gæti farið að meiðslakálfurinn Michael Owen verði ekki með enska landsliðinu í kvöld þegar það mætir Ungverjum í æfingaleik í knattspyrnu, eftir að hann kenndi sér meins á læri eftir æfingu í gær. Leikurinn verður sýndur beint á Sýn í kvöld klukkan 18:55.

Til stóð að Owen yrði einn í framlínu enska liðsins, en fari svo að hann verði meiddur í kvöld eins og útlit er fyrir, verður það Peter Crouch sem tekur stöðu hans. Þá er reiknað með að Steven Gerrard muni leika mjög framarlega og að Jamie Carragher verði í stöðu varnartengiliðs.