Markús Máni með eitt mark i sigri Düsseldorf

Markús Máni Michaelsson skoraði eitt mark fyrir Düsseldorf sem lagði Großwallstadt, 26-18 í þýsku Bundesligunni í handbolta í dag. Einar Hólmgeirsson skoraði 5 mörk fyrir Großwallstadt og Alexander Petersson tvö.

Staðan í hálfleik var 12-7 Düsseldorf sem varð að vinna í dag en liðið er í botnbaráttu deildarinnar með 19 stig, jafnt Minden, Wetzlar og Wilhelmshaven að stigum. Þá féll Pfullingen úr deildinni í dag eftir 32-24 tap gegn Wetzlar.

Á Spáni skoraði Einar Örn Jónson 5 mörk fyrir Torrevieja sem vann 29-33 útisigur á Cantabria í efstu deild og eru Einar og félagar í 8 sæti með 24 stig eftir 28 leiki.