Veigar og Kristján skoruðu gegn hvorum öðrum í Noregi

Veigar Páll Gunnarsson heldur áfram að skora í Noregi og er nú þriðji markahæstur í norsku úrvalsdeildinni í knattspyrnu með 4 mörk en hann skoraði fyrsta mark Stabæk sem gerði 2-2 jafntefli við Brann í dag.

Stabæk komst í 2-0 en það var varnarmaðurinn Kristján Örn Sigurðsson sem var hetja sinna manna þegar hann náði að jafna metin fyrir Brann 2 mínútum fyrir leikslok. Ólafur Örn Bjarnason lék allan leikinn í vörn Brann.

Árni Gautur Arason stóð að venju í marki Vålerenga sem tapaði fyrir Fredrikstad 2-1 og Stefán Gíslason var í liði Lyn sem lá á heimavelli fyri Trömsö 1-3. Stefán Gíslason lék allan leikinn í liði Lyn sem tapaði fyrir Tromsø á heimavelli, 1 - 3.

Brann og Stabæk eru jöfn að stigum í öðru og þriðja sæti deildarinnar með 12 stig, tveimur stigum á eftir toppliði Lillestrøm sem lagði Start, 1-0 í dag.