Einn ótrúlegasti endasprettur í sögunni

Harry Redknapp var að vonum glaður eftir að liði hans Portsmouth tókst að tryggja sér áframhaldandi veru sína í ensku úrvalsdeildinni með sigri á Wigan í dag.

"Ég vissi vel að mér tækist aldrei að vinna alla stuðningsmenn liðsins til baka eftir að ég sneri aftur frá Southampton, en ég kom þessu liði nú samt í úrvalsdeildina á sínum tíma og hef haldið því þar í tvígang.

Þegar fólk talar um lið sem hafa haldið sér í deildinni með ótrúlegum endasprettum í gegn um tíðina, hlýtur árangur okkar í ár að verða nefndur til sögunnar sem einn af þeim allra bestu.

Ég er sáttur og stoltur með mína frammistöðu hérna, rétt eins og leikmanna og stuðningsmanna félagsins," sagði Redknapp.