Benitez ætlar að hvíla lykilmenn

Rafa Benitez, stjóri Liverpool, segir líklegt að hann muni hvíla einhverja af lykilmönnum sínum í kvöld þegar Liverpool sækir West Ham heim í ensku úrvaldeildinni, en liðin eigast einmitt við í úrslitaleik bikarkeppninnar. Liverpool er sex stigum á eftir Manchester United í þriðja sæti úrvalsdeildarinnar þegar þrjár umferðir eru eftir.

"Við erum að hugsa um að hvíla einhverja leikmenn sem þurfa á því að halda í leiknum í kvöld og það kæmi mér ekkert á óvart þó þeir (West Ham) gerðu það sama. Þetta er ekki mikilvægasti leikur okkar á tímabilinu og menn eru vitanlega með hugann við úrslitaleikinn í bikarnum," sagði Benitez.