Bjartsýnn á að Keane verði áfram

Gordon Strachan, stjóri Glasgow Celtic, segist bjartsýnn á að miðjumaðurinn Roy Keane spili með liðinu á næstu leiktíð í stað þess að leggja skóna á hilluna vegna meiðsla.

"Ég held að Roy verði hjá okkur á næstu leiktíð. Hann elskar félagið og ég sé hann bara ekki hætta. Ég sé fólk dásama frammistöðu Teddy Sheringham og réttilega, því hann er orðinn fertugur. Er þá eitthvað sem segir að okkar leikmenn eigi a leggja skóna á hilluna þegar þeir verða 33 eða 34 ára gamlir? Gary McAllister spilaði fram eftir öllum aldri hjá Liverpool og það er fullt af eldri leikmönnum þarna úti sem eru að spila vel þó þeir séu engin unglömb. Ef menn hafa enn hraða, úthald og nauðsynlega hvatningu til að spila - eiga þeir að halda áfram að spila," sagði Strachan.