Drogba gagnrýnir félaga sína

Framherjinn Didier Drogba segir að lið Chelsea í ár sé ekki eins hungrað í ár og það var í fyrra og segir að nýjustu leikmenn liðsins séu ekki jafn einbeittir og aðrir sem hafa farið frá félaginu. Drogba nefnir engin nöfn í þessu sambandi, en var til að mynda afar ósáttur við að liðið félli úr keppni í Meistaradeildinni.

"Liðið í fyrra var sterkara andlega en liðið í ár, við létum ekkert stöðva okkur. Við erum ekki eins hungraðir í ár og við vorum í fyrra og ég tel það að sumu leiti vera vegna þess að við höfum fengið menn inn í liðið sem eru ekki á sama plani og þeir sem hafa farið frá okkur. Við hefðum átt að ná lengra í Meistaradeildinni en gerðum það ekki vegna þess að ákveðnir einstaklingar voru ekki menn í að klára verkefnið," sagði Drogba harðorður í garð félaga sinna.