Gerir sér vonir um einn eða tvo leiki með Newcastle

Framherjinn Michael Owen segist aðeins gera sér vonir um að ná að spila einn eða tvo af síðustu leikjum Newcastle í vor eftir að setja þurfti nýja skrúfu í fótinn á honum á dögunum í kjölfar ökklabrots um áramótin.

"Ég stefni klárlega á að spila fyrir Newcastle á leiktíðinni, en hvort það verður einn leikur eða tveir verður bara að koma í ljós. Það yrði kraftaverk ef ég næði að spila eitthvað meira en það, en ég stefni eindregið að því," sagði Owen sem á auðvitað á hættu að missa landsliðssæti sitt ef hann nær ekki að koma sér form í tæka tíð.