Ákveður sig fyrir HM

Franski framherjinn Thierry Henry hefur nú gefið það út að hann muni tilkynna hvort hann verði áfram hjá Arsenal eða ekki fyrir upphaf heimsmeistaramótsins í knattspyrnu þann 9. júní nk. Henry hefur verið orðaður við spænsku risana Barcelona og Real Madrid, en hann virðist vera búinn að gleyma því að hann lofaði stuðningsmönnum Arsenal fyrir nokkru að hann ætlaði að skrifa undir framlengingu á samningi sínum við félagið.

"Ég mun ákveða mig fyrir byrjun HM þann 9. júní í sumar. Núna er ég bara að einbeita mér að því að spila í Meistaradeildinni og á topp fjögur í úrvalsdeildinni, en þegar tímabilinu líkur munum við ganga frá málunum og það er á hreinu," sagði Henry.