Bjarni og Hörður í tapliði Silkeborg

Bjarni Ólafur Eiríksson og Hörður Sveinsson léku báðir allan leikinn fyrir danska liðið Silkeborg sem tapaði fyrir Bröndby. Með sigrinum tyllti Bröndby sér í efsta sæti deildarinnar  með 51 stig, en FCK í Kaupmannahöfn kemur næst með 50 stig en þeir eioga einn leik til góða. Silkeborg er í svo 9. sæti með 23 stig.

Bjarni Ólafur krækti sér í gult spjaldi í leiknum  og Hörður fékk nokkur fín tækifæri til að skora. Það tókst honum ekki en þrátt fyrir það hefur hann skorað fjögur mörk í fyrstu þremur leikjum sínum fyrir liðið.