Minningarathöfn um George Best

Sérstök minningarathöfn var haldin í Manchester í dag þar sem fjölskylda, vinir og aðdáendur knattspyrnugoðsins George Best komu saman til að heiðra minningu kappans sem lést um daginn.

Margir af samstarfsmönnum og vinum Best héldu tölu við athöfnina sem sjónvarpað var á risaskjá fyrir utan kirkjuna. Alex Ferguson, stjóri Manchester United var einn þeirra sem sögðu nokkur orð við athöfnina, en hann lýsti Best sem einstökum leikmanni sem hefði þorað að sýna alla sína hæfileika á knattspyrnuvellinum.