Óskar eftir fé til leikmannakaupa

Rafa Benitez segir að hann þurfi nauðsynlega að fara út að versla þegar opnar fyrir innkaupagluggann á Englandi á ný, því lið hans þurfi að styrkjast á ákveðnum sviðum.

"Það er mikilvægt að styrkja liðið og við munum strax hafa samband við útsendara okkar og segja þeim að spýta í lófana," sagði Benitez, en talið er að framherji verði ofarlega á óskalistanum eftir að Liverpool tókst ekki að skora í síðustu fjórum leikjum sínum í meistaradeildinni. Nokkur blöð á Englandi hafa haldið því fram að Benitez muni fara fram á 30 milljónir punda til leikmannakaupa í sumar.