Craig Bellamy handtekinn

Vandræðagemlingurinn Craig Bellamy hjá Blackburn er aftur kominn í fréttirnar á röngum forsendum, en hann var handtekinn í dag í tengslum við rannsókn á árás sem gerð var á unga konu á næturklúbbi í Cardiff. Bellamy var sleppt gegn tryggingu eftir að hafa setið yfirheyrslu, en hann þarf að mæta aftur fljótlega þegar málið veður rannsakað frekar.

Konan á að hafa orðið fyrir meiðslum á hönd og hálsi eftir árás manns á næturklúbbi þessum og er Bellamy grunaður um að hafa verið þar að verki. Talsmenn Blackburn vildu ekkert tjá sig um málið og telja það ekki koma félaginu við að svo stöddu.